Acceptez-vous l'utilisation de cookies pour vous assurer une meilleure expérience sur notre site web ?

En savoir plus

Chrëschtdagssangen

als Undenken un den Albert Brauch, President vum Piusverband (2011-2021)

den 12. Dezember 2021, um 16.00 Auer, am Haff vun der Abtei zu Iechternach

D’Union Grand-Duc Adolphe, an Zesummenaarbecht mat dem Piusverband an der INECC, organiséiert Sonndes, den 12. Dezember 2021, um 16.00 Auer zu Iechternach am Abteihaff e Chrëschtdagssangen. D’Manifestatioun ass am Fräien a soll net méi laang wéi max. 45 Minutten daueren.

Matmaache kënnen esouwuel Gesangsveräiner wéi och eenzel Sänger. Um Programm stinn traditionell Chrëschtlidder, déi een- oder zweestëmmeg gesonge ginn, mat Begleedung vun engem klengen Orchester. Fir ze Prouwen, kënnen déi Interesséiert sech d’Begleedung als MP3 mat dem Noutematerial hei hannendrun erof lueden.

Um Programm stinn:

  • Lëtzebuerger Lidder oder mat lëtzebuergeschem Text: An der grousser hellger Nuecht • E Wonnerstär • Am Uewe potert d'Feier • Am wäisse Wanterbësch (Winter Wonderland) • Chrëschtdag am Schnéi (White Christmas).
  • Donieft: Feliz Navidad • Petit Papa Noël • Süsser die Glocken nie klingen • Fröhliche Weihnacht überall • Ee Potpourri: Marching Christmas vum Roger Sadler (Jingle Bells, Morgen Kinder wird’s ‘was geben, We wish you a Merry Christmas) • Stille Nacht • Les anges dans nos campagnes • Happy Christmas (War is over).

Eng gemeinsam Prouf gouf festgeluet fir Freides, den 10. Dezember, um 20.00 Auer, zu Moutfort am Centre culturel.

Den Dag selwer wier de Rendezvous ab 16:00 Auer am Abteihaff zu Iechternach.

Den 12. Dezember ass zu Iechternach och Chrëschtmaart, an domat si vill Parkinge schonns besat. D'UGDA organiséiert en Transport vu verschiddenen Uertschaften aus. Genau Informatiounen am UGDA-Sekretariat (Tel: 46 25 36 1).

Dëst ass eng Covid-check Manifestatioun.

D’Umeldungen sinn ob direction@ugda.lu ze maachen.

Umeldeformular fir eenzel Persounen


Nouten an Text - MP3 (download)