Acceptez-vous l'utilisation de cookies pour vous assurer une meilleure expérience sur notre site web ?

En savoir plus

Covid check

De Covid check erméiglecht et kulturell Aktivitéiten dobannen an dobaussen ofzehalen ouni Gestes barrières (keng Mask, keng Ofstandsreegelung, Iessen an Drénken servéieren)

De Covid check ass e Regime dee fir Prouwen oder Concerten ka gebraucht ginn, an och bei Versammlungen recommandéiert gëtt. De Covid-check ka fir eng Serie vu Prouwe gemellt ginn (z.Bsp.: all Mëttwoch vun de Méint November, Dezember, ...)

De Covid check ass fir Aktivitéiten (Prouwen a Concerten) an engem Sall, an am Fräien.

Bis 200 Leit ass de Covid check per Mail bei der Direction de la Santé unzemellen. Et gëtt e spezielle Formulaire dofir. Déi Notifikatioun muss am VIRAUS gemaach ginn. D’Confirmatioun déi een automatesch vun der Santé geschéckt kritt, muss een och bei Hand hunn falls eng Kontroll gemaach gëtt. De Covid-check muss net onbedéngt vun der selwechter Persoun gemaach ginn, wéi déi di d’Deklaratioun gemaach huet, allerdéngs ass déi Persoun, déi de Regime notifiéiert huet, verantwortlech z.B. falls et sech erausstelle sollt, dass di Kontroll net gemaach gouf. De Formulaire fir de Covid-check Event ze melle, gesäit net di Méiglechkeet vir, fir de Numm vun enger anerer Persoun unzeginn. Fir all Problem aus dem Wee ze goe wier et scho gutt wann déi Persoun, déi de Regime notifiéiert och déi wier, déi duerno bei der Kontroll derbäi wier.

De Raum wou d’Prouf oder de Concert ofgehale gëtt, muss präzis ugi ginn. Am Fräien muss de Perimeter genau determinéiert ginn.

Et muss ugekënnegt ginn, datt de Concert am Regime vum Covid check ofgehale gëtt, dat muss och esou affichéiert sinn. D’Plaz am Fräien, wou de Concert ass, muss clôturéiert sinn, getrennten Entrée a Sortie hunn, mat all Kéiers Kontrollen op der Plaz, déi vum Ufank bis zum Schluss vun der Manifestatioun permanent présent musse sinn. De Link fir d’App erofzelueden ass op https://covid19.public.lu/lb.h... ze fannen oder op www.ugda.lu.

En Organisateur kann bei reegelméissegen Covid-Check Evenementer, wéi z.B. enger Prouf, eng Lëscht féieren mat deene Léit déi geimpft an genesen sinn. Och dierf een op der Lëscht vermierken wéi laang de Certficat gülteg ass. Déi jeeweileg Persounen mussen awer hiert Averständnis ginn.

Am Regime Covid-check musse SÄMTLECH PERSOUNEN, déi wärend enger Prouf am Sall sinn (eventuell Elteren oder Comitésmemberen déi net spillen) de Certificat virweisen.

En Organisateur vun engem Event, deen e Bännercher-System benotzt, muss conforme si mam Dateschutz-Gesetz. Dës Bännercher däerfe net uweisen, wéi eng Gäscht geimpft, getest, nees gesond sinn oder een Test op der Plaz gemaach hunn. (question parlementaire urgente du 19 juillet 2021 concernant l’application Covid check).

En Organisateur vun engem Event soll Identitéitskontrollen duerchféieren. All Persoun muss sech ausweisen beim Covid Check. Am Fall vun engem falschen Certificat sinn den Organisateur, wéi och déi concernéiert Persoun haftbar.

Duerch de Covid check ginn all Restriktiounen opgehuewen. Keng Mask, keen Ofstand fir sämtlech Persounen. Et dierf och Iessen a Gedrénks zerwéiert ginn. Iessen a Gedrénks ka vum Veräin selwer gemaach ginn.

2G Covid Check :

Fir déi Aktiviéiten wou den 2G (Geimpft, Genesen) muss oder kann ugewannt ginn, däerfen Persounen, déi keen Certificat (Geimpft oder Genesen) hunn, net un enger Prouf / Concert / Evenement ënnert dem Regime Covid-check deelhuelen. Dat selwecht zielt fir Persounen déi sech net wëllen ausweisen mat enger Identitéitskaard.

2G+ Covid Check :

Bei iwwer 10 Persounen ass den 2G+ Covid Check obligatoresch fir Prouwen an Concerten. Fir déi Leit wou méi aal wéi 12 Joer an 2 Méint sinn ass et och obligatoresch en negativen Schnelltest op der Platz ze maachen oder hieren gültegen zertifiéierten Schnelltest / PCR-Test virzeweisen.

Déi Léit déi keen Schnelltest brauchen virzewéisen sinn :

  • déi wou hier Boosterimpfung schonn kruten (3/3),
  • manner wéi 6 Méint geimpft sinn (2/2),
  • manner wéi 6 Méint geheelt sinn.

Ausnahmen :

Net betraff vum 2G Covid Check Regime sinn :

  • Kanner ënner 12 Joer + 2 Méint brauche keen Certificat.
  • Kanner tëscht 12 an 19 Joer faalen ënnert den 3G Covid Check (Geimpft, Genesen, Getest (PCR oder e zertifiéierten Schnelltest)).
  • Professioneller lafen och ënnert dem 3G Covid Check Regime. Dat heescht, all Museker, Dirigent, Dänzer, Theaterspiller asw, deen vun engem Veräin en Kontrakt, eng Konventioun oder bei der CCSS ugemellt ass, kann ënnert dem 3G weider senger Funktioun nogoen.
  • Fir déi Léit déi sech net dierfen oder kënnen impfen loossen, gëtt et eng Méiglechkeet fir un Covid-Check Evenementer deelzehuelen. En Certificat deen vun hirem Hausdokter an der Santé ausgestallt gëtt, mussen se bei der Entrée vum Covid-Check virweisen kënnen. Zousätzlech musse se entweder en Schnelltest sur Place duerchféieren oder en zertifiéierten Schnelltest virweisen.

CovidCheck.lu App

D'Lëtzebuerger Regierung stellt eng Applikatioun zur Verfügung, fir d'Authentizitéit an d'Gültegkeet vun de CovidCheck-Certificaten (EU Digital COVID Certificate – EU DCC) z'iwwerpréiwen: CovidCheck.lu.

Mat der App kënne Certificaten um Pabeier oder an digitaler Form (z. B. PDF) iwwerpréift ginn. D'Applikatioun ka gratis iwwert den Apple App Store oder de Google Play Store installéiert ginn. Si kann op engem Smartphone oder Tablet installéiert ginn.

Umelle vum Regime Covid check

Notification du régime CovidCheck (public.lu)

Affichen an Informatiounen - Toolbox:

CovidCheck - Coronavirus - Informations officielles - Luxembourg (public.lu)

L Covid Check