Acceptez-vous l'utilisation de cookies pour vous assurer une meilleure expérience sur notre site web ?

En savoir plus

UGDA Theaterfestival 2020

24. - 26. Abrëll 2020 am Artikuss zu Zolwer
Wien wëllt matmaachen ?

Leit zesumme bréngen, mateneen op enger neier Bühn spillen, virun engem anere Publikum kënnen optrieden, dat war de Challenge vum Theaterfestival 2016.

Am Joer 2020 wëllen mir d’Ambitioune vum UGDA Theater-festival vergréisseren. D’UGDA wëll eppes zur Erweiderung vum Lëtzebuerger Theaterrepertoire bäidroen. Eng Créatioun vun engem bekannten, Lëtzebuerger Auteur soll am Kader vum Theaterfestival 2020 virgestallt ginn. Eng Uropféierung vun engem Lëtzebuerger Theaterstéck !

Ier et sou wäit ass brauche mir d’Mathëllef vun eise Veräiner fir d’Affiche vun dëser flotter Manifestatioun kënnen zesummen ze stellen. Sidd Dir een Theaterveräin, eng Musek oder ee Gesangveräin a spillt Theater an ärer Uertschaft a wëllt eppes neits erliewen ? Wëllt Dir Acteuren aus anere Veräiner begéinen, mat hinne diskutéieren, oder eng Kéier op enger friemer Bühn stoen ? Dann zéckt net a maacht mat beim UGDA Theaterfestival, dee vum 24. bis den 26. Abrëll 2020 am Artikuss zu Zolwer an der Gemeng Suessem wäert sinn.

Dir kennt Iech umelle bis den 1. Februar 2019 mat dem Formulaire hei ënnen drun (Downloads), oder mat engem einfachen Mail un d’Sekretariat vun der UGDA. Mir trieden dann mat Iech a Verbindung.

Konakt: Union Grand-Duc Adolphe, Tel.: 46 25 36-1, Fax : 47 14 40, Email: direction@ugda.lu

2018 Cp Theaterfestival
Downloads